【校長鬧保安，客人鬧推廣員：一個關於「受氣」的惡性循環假設】

最近有單新聞鬧得好大：一位中學校長帶團去新加坡交流，因為旅遊巴違泊問題，竟然失控爆粗大鬧當地女保安。

好多人覺得奇怪：一個受過高等教育、平時喺自己圈子入面可能係一個斯斯文文、受人尊敬嘅校長，點解一對住個保安員，就會變成另一個人？

講真, 呢種情況每個都可能有其個中特別原因，我們唔識校長, 唔方便加以批評。但我可以講, 類似這些前線人員經常「受罪」的事情，其實已不是新聞, 每日都可能發生緊。只不過今次令人「受罪」的是一位給社會覺得係德高望重的校長。

有啲客人，平時返工可能難免受氣受壓力受不公對待(現在香港人返工有邊個係完全唔使受下氣?!)，但當他們一行入超市或者百貨公司，對住啲推廣員（Promoter），稍為有少少唔順意，就可能會忍不住發脾氣，甚至破口大罵。

我們經常都會收到不同類型的客戶投訴, 幾多係對事, 幾多係對人, 幾多係發泄, 其實對得多就大約心中有數了。有時我們都會告知同事和推廣員, 盡量用理解的心去面對不合理(或目的只係想發泄)的投訴。

點解？因為其中一個原因, 可能係佢哋平時受咗太多氣。

香港的確唔多唔少存在住「投訴文化」, 而為了做生意, 商戶一般係要求前線抱住「客人永遠是對的」心態去面對。平時喺辦公室，對住大老闆要忍，對住大客要笑要奉迎。久而久之，情緒抑壓到一個點，當佢哋面對一個佢哋覺得「手無縛雞之力」、唔會反抗嘅人（例如保安、推廣員?），嗰種積壓已久嘅怒火就會爆發。

呢個係一個悲哀嘅惡性循環：

校長受咗氣 ➡️ 鬧保安
客人受咗氣 ➡️ 鬧店舖職員
店舖職員受咗氣 ➡️ 轉頭就鬧自己舖頭嘅推廣員

大家成為了「出氣袋」, 之後又會向番其他人「出氣」!

喺心理學上，呢種叫「替代性攻擊」（Displaced Aggression），當中有不少理論可解釋的。但這都唔代表係健康，更唔代表係啱！呢種心態會令整個社會氣氛越來越差。

以下這套片很不錯。內容完全就係以上提及的「惡性循環」的180調轉, 可說為「善性循環」

想了解更多前線營銷策略與團隊管理？了解更多：www.kpisl.com