【一顿午饭，看透员工管理的真相】

今日去養和醫院的 Canteen 食午餐。
餐牌價錢比一般公立醫院貴好多，比其他私家醫院都貴，比高級商場餐廳都略高。但食物質素和服務，係真係唔錯。
我入唔到廚房，無法評論食品製作工序。但樓面服務的工序，就係我親眼見到的。
一入門口，侍應問幾多位，帶位入座，遞上餐牌。顧客自己去 Cashier 點餐付款，拿著收據和號碼牌回枱。很快食物送到，侍應取走號碼牌。
睇落好普通？但如果你以為這是侍應「自動自覺」的結果，就大錯特錯了。
背後係一套多層監督系統：
幾個侍應主管，全部戴住 Hands-free 耳機，全場流動監察：
•見到號碼牌停留枱面太耐？立刻叫人跟進廚房出餐。
•見到食物出咗菜口無人送？立刻叫侍應加快。
•定時安排侍應拿水壺繞場一週，主動幫顧客加水。
•見到客人離座，立刻叫人收拾枱面，安排等候的客人入座。
而在這些主管之上，仲有一個總主管，專門監督主管有無盡責監督侍應。
反觀外面好多餐廳：侍應慢慢行、慢慢做，無人管就無人做。廚房漏單等你催，加水等你叫，執枱等你提。
養和 Canteen 和外面餐廳的分別，唔係侍應問題，係監督問題。
講到呢度，想帶出一個我做外勞招聘時常見的「美麗誤會」：
好多僱主請了外勞之後，以為請到了「打工神」——自己勤力做、自己識變通、有智慧、識方法、無需人管……
最後當然係失望。
你請回來的，係侍應質素的勞動力。佢係外勞，佢會比本地人更穩定、更珍惜工作、更勤力；但佢唔係主管，唔代表佢識自動自覺做到主管的工作。
外勞，一樣需要妥善的監督系統，才能發揮工效。
十個員工裡面，可能只有一個天生勤奮、有潛質做主管。其餘九個，都係需要人管的。這不是批評，這是現實。
沒有神一樣的員工，只有神一樣的管理系統。
你公司的「總主管」，準備好了嗎？